Չինաստանի կոչը՝ Հնդկաստանին ու Պակիստանին

Չինաստանի ԱԳՆ-ն Հնդկաստանին ու Պակիստանին կոչ է արել պահպանել հանգստություն և խուսափել գործողություններից, որոնք կարող են իրավիճակի սրման հանգեցնել։ Այս մասին հայտարարություն է տարածել Չինաստանի ԱԳՆ-ն:

«Մենք Հնդկաստանին ու Պակիստանին կոչ ենք անում առաջնահերթությունը տալ խաղաղությանն ու կայունությանը, պահպանել հանգստություն և զսպվածություն, խուսափել գործողություններից, որոնք էլ ավելի կբարդացնեն իրավիճակը»,- նշված է հայտարարության մեջ։

Չինաստանը ցավում է Հնդկաստանի ձեռնարկած ռազմական գործողությունների համար և մտահոգ է դեպքերի ընթացիկ զարգացմամբ։