Այդ երկիրը սպառնալիք է ներկայացնում ամբողջ Եվրոպայի համար. Ֆոն դեր Լեյեն
Եվրոպական հանձնաժողովի նախագահ Ուրսուլա ֆոն դեր Լեյենը կրկին հայտարարել է, որ Ռուսաստանը, իբր, «սպառնալիք է ներկայացնում ամբողջ Եվրոպայի համար» և կոչ է արել ԵՄ երկրներին պաշտպանական պատվերներ տալ Ուկրաինայում՝ «ռազմական ջանքերին աջակցելու համար»։ Նրա խոսքերը մեջբերում է ՌԻԱ Նովոստին։
«Ռուսաստանը մշտական սպառնալիք է ներկայացնում ամբողջ Եվրոպայի համար։ Հետևաբար, Ուկրաինան պետք է բավականաչափ ուժեղ լինի՝ կանխելու ցանկացած ապագա հարձակում», - ասել է Ֆոն դեր Լեյենը Եվրախորհրդարանի ամբիոնից։
Նա հիշեցրել է, որ Եվրոպան արդեն աջակցել է Կիևին՝ ուղարկելով 50 միլիարդ եվրոյի ռազմական օգնություն։ Այժմ, ըստ Եվրահանձնաժողովի ղեկավարի, Եվրամիությունը պետք է պատվերներ տա անմիջապես Ուկրաինայի պաշտպանական արդյունաբերությանը։
Մինչ այդ, Ռուսաստանի արտաքին գործերի նախարար Սերգեյ Լավրովը հայտարարել էր, որ Մոսկվայի կողմից եվրոպական երկրների վրա հարձակվելու իմաստ չկա։ Նա ընդգծել է, որ ընտրությունների ֆոնին եվրոպական իշխանությունները ակտիվորեն վախեցնում են բնակչությանը «ռուսական սպառնալիքով»։
