Գազայում սով է և թալան
Ականատեսներն ու Գազայում մարդասիրական առաքելության աշխատողները հայտնել են անկլավում թալանի կտրուկ աճի մասին, ընդ որում՝ իրավապաշտպան խմբերը զգուշացնում են, որ սովը օգտագործվում է որպես պատերազմի զենք։
Այս մասին հայտնում է Euronews-ը:
Անկլավում իրավիճակը վատթարանում է Իսրայելի կողմից ավելի քան երկու ամիս առաջ սահմանված շրջափակման պատճառով։ Մարդիկ, հաճախ զինված, բռնի կերպով մտնում են պահեստներ և հացաբուլկեղենի խանութներ։
Հիշեցնենք, որ Իսրայելի իշխանությունները նշում են, որ սահմանափակումներն ու ռազմական ճնշումը նպատակ ունեն ստիպել ՀԱՄԱՍ խմբավորմանն ազատ արձակել մնացած 59 պատանդներին, որոնցից 24-ը՝ ենթադրաբար, ողջ են։
