Խարդախություն կրիպտոարժույթի ոլորտում. համահիմնադիր է ձերբակալվել
Telegram-ի համար նախատեսված Blum կրիպտո արժույթի համահիմնադիր և ԱՊՀ-ում Binance-ի նախկին ղեկավար Վլադիմիր Սմերկիսը ձերբակալվել է։
Այս որոշումը կայացրել է Մոսկվայի Զամոսկվորեցկի շրջանային դատարանը։ Սմերկիսը կասկածվում է խարդախության մեջ։
Blum թիմն արդեն հայտարարել է, որ Սմերկիսը այլևս չի հանդիսանում գլխավոր մարքեթինգի տնօրենը և համահիմնադիրը ու այլևս ներգրավված չէ նախագծում։
Հիշեցնենք, որ Blum-ը կրիպտո խաղ է, Hamster Combat-ի անալոգը, որտեղ օգտատերերը կարող են իրական կրիպտոարժույթ վաստակել խաղային մետաղադրամների դիմաց։ Խաղացողները մեկ տարուց ավելի է, ինչ սպասում են մետաղադրամի թողարկմանը, բայց դա այդպես էլ տեղի չի ունեցել։
