Ռուբիոն նշել է Իրանի հետ միջուկային համաձայնագրի կնքման պայմանը
ԱՄՆ պետքարտուղար Մարկո Ռուբիոն բացահայտել է Իրանի հետ միջուկային համաձայնագրի կնքման պայմաններից մեկը։ Այս մասին հայտնում է Fox News-ը։
«Եթե Իսլամական Հանրապետության իշխանությունները ցանկանում են խաղաղ միջուկային էներգիա, ապա պետք է թույլ տան ցանկացած տեսակի տեսուչների մուտքը համապատասխան օբյեկտներ», - նշել է Ռուբիոն։
Նա ընդգծել է, որ սա ներառում է նաև ամերիկացի տեսուչներին։
Ապրիլի 30-ին Իրանի արտաքին գործերի նախարար Աբբաս Արաղչին հայտարարել է, որ Իսլամական Հանրապետության միջուկային ծրագրի շուրջ ստեղծված ճգնաժամը լուծելու համար Միացյալ Նահանգների հետ բանակցությունների հաջորդ փուլը պետք է տեղի ունենա մայիսի 3-ին Իտալիայի մայրաքաղաքում։ Սակայն հաջորդ օրը կողմերը հայտարարել են Վաշինգտոնի և Թեհրանի ներկայացուցիչների միջև հանդիպման հետաձգման մասին։
