Երկիր մոլորակ կարող է ընկնել խորհրդային տիեզերանավ

Մոտ կես դար անց իր արձակման պահից խորհրդային «Կոսմոս-482» տիեզերական սարքը կրկին ուշադրության կենտրոնում է: Գիտնականները զգուշացնում են՝ այս տիեզերանավը, որն արձակվել է դեռ 1972 թվականին, հնարավոր է՝ արդեն առաջիկա շաբաթ ընկնի Երկրի մակերևույթ:

«Կոսմոս-482»-ը նախատեսված էր ուղևորվել Վեներա, սակայն արձակման ընթացքում առաջացած տեխնիկական անսարքության պատճառով այն չհասավ իր նպատակին և մնաց Երկրի ուղեծրում: Հիմա՝ ավելի քան 50 տարի անց, սարքը սկսել է աստիճանաբար իջնել:

Թե որտեղ և երբ ճշգրիտ կընկնի այդ մետաղյա գունդը, դեռ հստակ չէ: Սակայն ներկայիս հաշվարկներով՝ այն կարող է մտնել մթնոլորտ արդեն առաջիկա շաբաթ: