15:00 Լուրերը մեկ տողով. «Ուժեղ Հայաստան»-ի որոշումը. Պեսկովը զգուշացնում է ՆԱՏՕ-ի գագաթնաժողովից առաջ

Անցած ժամվա լուրերը՝ հակիրճ և բովանդակային.

•«Ուժեղ Հայաստան» կուսակցությունը կվերցնի պատգամավորական մանդատները՝ փոփոխությունների հասնելու համար համադրելով խորհրդարանական աշխատանքն ու փողոցային պայքարը։

•Կուսակցության առաջնորդը հայտարարել է, որ իրենց հաջողվել է արգելափակել Ադրբեջանի նախագահի պահանջած սահմանադրական փոփոխությունները, քանի որ իշխանությունն առաջին անգամ չունի մեծամասնություն։

•ՀՀ էկոնոմիկայի նախարարությունը 1 հեկտար և ավելի ջերմատներ ունեցողներին աջակցելու նոր ծրագիր է ներկայացրել, որով պետությունը կսուբսիդավորի վարկերի տոկոսադրույքի մեծ մասը։

•Էստոնիայի վարչապետի վարկանիշը իշխող կուսակցության ժողովրդականության անկման ֆոնին գրանցել է հերթական հակառեկորդը՝ նվազելով մինչև 4%:

•Գերմանիայի պաշտպանության նախարարի պնդմամբ՝ Ուկրաինան այլևս Taurus հրթիռների կարիք չունի, քանի որ ԱԹՍ-ներով ռուսական թիրախներին հասցվող հարվածները բավականին արդյունավետ են։

•ՌԴ նախագահի մամուլի քարտուղարը կոչ է արել զգոն լինել և պատրաստվել Կիևի հնարավոր սադրանքներին՝ Թուրքիայում կայանալիք ՆԱՏՕ-ի գագաթնաժողովի նախաշեմին։

•Իրանի իսլամական հեղափոխության պահապանների կորպուսի հրամանատարի տեղակալը վերահաստատել է, որ Ռուսաստանն ու Իրանը հավետ կմնան դաշնակիցներ ու գործընկերներ։

•Իրանի գերագույն առաջնորդի հրաժեշտի արարողության ժամանակ երկար դադարից հետո հանրությանն է երևացել Իսլամական հեղափոխության պահապանների կորպուսի գլխավոր հրամանատարը։