Պուտինը ցուցադրել է Կրեմլի իր առանձնատունը
Ռուսաստանի նախագահ Վլադիմիր Պուտինը խոստովանել է, որ վերջին երեք տարիների ընթացքում իր գիշերների մեծ մասն անցկացրել է Կրեմլում և ցուցադրել է իր առանձնատունը այնտեղ։ Լրագրող Պավել Զարուբինը իր տելեգրամի ալիքում հրապարակել է պետության ղեկավարի մասին վավերագրական ֆիլմից հատվածներ։
Կադրերում երևում է, թե ինչպես է նկարահանող խումբը հետևում Պուտինին, որը ցուցադրում է Կրեմլի առանձնատան սենյակները։ Կարելի է տեսնել սպիտակ պատեր՝ հայելիներով և կայսր Ալեքսանդր III-ի դիմանկարով։ Պատուհանի մոտ կա սպիտակ դաշնամուր, որը Պուտինը, ինչպես ինքն է ասել, կարողանում է նվագել, բայց հազվադեպ։
Այնուհետև Պուտինը լրագրողներին տարել է մուգ փայտով պատված գրադարան և ցույց տվել նրանց, թե որտեղ են գտնվում երկու ննջասենյակները։ Նախագահը նաև ցուցադրել է տան մեջ գտնվող եկեղեցին։
