Մասկը հեռանում Է Սպիտակ տնից

Ես պարզապես ուզում եմ շնորհակալություն հայտնել բոլորին։ Ինձ համար պատիվ էր աշխատել ձեզ հետ։ Այս մասին Սպիտակ տանը Թրամփին ասել է  ԱՄՆ կառավարության արդյունավետության դեպարտամենտի (DOGE) ղեկավար Իլոն Մասկը, գրում է The New York Times-ը:

«Ես պարզապես ուզում եմ շնորհակալություն հայտնել բոլորին։ Ինձ համար պատիվ էր աշխատել ձեզ հետ, ուստի շնորհակալ եմ ամեն ինչի համար: Առաջին 100 օրվա ընթացքում մենք անհավանական հաջողություններ գրանցեցինք։ Ինչպես բոլորն ասում էին, դա ավելին է, քան նախկինում ցանկացած վարչակազմի օրոք»,- ասել է Մասկը:   

ԱՄՆ նախագահն ի պատասխան հայտարարել է, որ Մասկն իսկապես շատ բան է զոհաբերել իր վարչակազմում աշխատելու համար և ժամանակի նրա հանդեպ «շատ անարդար են վարվել»։

«Այս երկրում մարդկանց ճնշող մեծամասնությունը իսկապես հարգում և գնահատում է Ձեզ, և այս ամբողջ դահլիճը կարող է վճռականորեն ասել, որ Դուք իսկապես շատ եք օգնել մեզ: Դուք կարող եք մնալ այնքան, որքան ցանկանում եք»,- հավելել Է Թրամփը ։