Դատավոր Արտուշ Գաբրիելյանը լիազորությունները կասեցվել են
Դատավոր Արտուշ Գաբրիելյանը լիազորությունները կասեցվել են, հայտնում են Բարձրագույն դատական խորհուրդից։
Բարձրագույն դատական խորհուրդ բավարարել է Արտուշ Գաբրիելյանի նկատմամբ հանրային հետապնդում հարուցելու Գլխավոր դատախազի միջնորդությունը, միաժամանակ որոշել է կասեցնել Գաբրիելյանի լիազորությունները մինչև քրեական վարույթի ավարտը։
Գլխավոր դատախազը միջնորդել է ԲԴԽ-ին համաձայնություն տալ նաև դատավորին ազատությունից զրկելու համար, որի վերաբրեյալ որոշում դեռևս չկա։
Հիշեցնենք՝ ՀՀ հակակոռուպցիոն կոմիտեից հայտնում են` կաշառք տալու, ստանալու և կաշառք ստանալուն օժանդակելու դեպքերի առթիվ ՀՀ քրեական օրենսգրքի համապատասխան հոդվածներով ՀՀ հակակոռուպցիոն կոմիտեում նախաձեռնված քրեական վարույթի շրջանակում այսօր Երևան քաղաքի առաջին ատյանի ընդհանուր իրավասության քրեական դատարանի Շենգավիթ նստավայրում ՀՀ դատական իշխանության ներկայացուցչի մասնակցությամբ իրականացվել է ապացուցողական գործողություն։
