Այդ դեպքում Ամերիկան չի պահպանի Եվրոպայի անվտանգությունը․ Ուոլց

 33 տրիլիոն դոլար պետական պարտքով Ամերիկան ի վիճակի չէ պահպանել եվրոպական անվտանգությունը։ Այս մասին հայտարարել է ԱՄՆ նախագահի խորհրդական Մայք Ուոլցը, գրում է Tsargrad-ը։

«ԱՄՆ-ի գոյություն ունեցող պետական պարտքի դեպքում, որը կազմում է 33 տրլն դոլար, ամերիկյան կառավարությունը չի կարող շարունակել ֆինանսավորել եվրոպական անվտանգությունը»,- ասել է նա:

Բացի այդ, Ուոլցը նշել է Նորվեգիայի և Ֆինլանդիայի ջանքերը՝ ուղղված պաշտպանական ծախսերի ավելացմանը: Միևնույն ժամանակ, քննադատել Է Իսպանիային, Կանադային և Իտալիային իր պաշտպանության մեջ ոչ բավարար ֆինանսական ներդրումների համար։

Ավելի վաղ ԱՄՆ նախագահ Դոնալդ Թրամփը հայտարարել էր, որ այլ երկրների առաջնորդները ստիպված կլինեն «մեծ գումարներ» վճարել մաքսատուրքերը վերացնելու համար, որոնք ԱՄՆ-ն սահմանել է առևտրային հաշվեկշռի դեֆիցիտը վերացնելու նպատակով: