Արթուր Չախոյանը ապօրինի է ձերբակալվել. փաստաբան
Ակտիվիստ Արթուր Չախոյանին Նոր Նորքի ոստիկանությունից շտապօգնության մեքենայով հիվանդանոց տեղափոխելու ճանապարհին, լրագրողներին հայտնել է, որ ձերբակալվածի կարգավիճակ ունի: Փաստաբան Վահե Եփրիկյանը գրել է.
«Արթուր Չախոյանն ակնհայտ ապօրինի կերպով ձերբակալված է՝ խուլիգանություն կատարելու կասկածանքով։
Ներկայացրինք հաղորդում հանցագործության` Արթուր Չախոյանին պատճառված մարմնական վնասվածքների ու խուլիգանության առթիվ»։
Հիշեցնենք՝ Նոր Նորքի թաղապետարանում ծեծկռտուք է տեղի ունեցել: Ակտիվիստ Արթուր Չախոյանը աղմուկ հանած մանկապարտեզի և խաղահրապարակի կառուցման թեմայով ցանկանում էր հանդիպել թաղապետին։ Թաղապետարանի աշխատակիցներն արգելեցին, և նրանց միջև ծեծկռտուք սկսվեց։
