Այդ երկրի քայքայիչ դերը, հակամարտության սրման գործում մեծ է․ Զախարովա
Ռուսաստանը բացասական է գնահատել Գերմանիայի քայքայիչ դերն ուկրաինական հակամարտության սրման գործում և կոչ է անում Բեռլինին դադարեցնել Ուկրաինայի քաղաքացիների սպանությունները։ Այս մասին հայտարարել է ՌԴ Արտաքին գործերի նախարարության պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։
«Ռուսաստանի գնահատականները բացասական են։ Գերմանիայի քայքայիչ դերն ուկրաինական ճգնաժամի սրման գործում մեծ է, ուստի կոչ ենք անում Բեռլինին դադարեցնել Ուկրաինայի քաղաքացիներին սպանելը՝ նեոնացիստական Կիևի վարչակազմին սպառազինությունների մատակարարմամբ», - ասել Է Զախարովան։
Ավելի վաղ Գերմանիայի ԱԳՆ-ն հայտնել էր, որ Գերմանիան կոչ է անում Ռուսաստանին համաձայնել մշտական հրադադարի՝ հաղթանակի 80-ամյակի տոնակատարության ժամանակ հայտարարված հրադադարի փոխարեն:
