Թրամփը հիասթափված է Պուտինից և Զելենսկուց

ԱՄՆ նախագահ Դոնալդ Թրամփն Ուկրաինայի և Ռուսաստանի միջև լիակատար հրադադար է պահանջում։ Սակայն դա բարդ է, հայտարարել է Սպիտակ տան մամուլի քարտուղար Քերոլայն Լևիթը, գրում է The New York Times-ը։

«Նախագահն ցանկանում է հասնել մշտական ​​​​հրադադարի։ Նա  հիասթափված է  երկու երկրների առաջնորդներից, քանի որ նա ձգտում է հասնել մշտական ​​​​հրադադարի», -ասել է  Լևիթը։

Նա միաժամանակ ուշադրություն է հրավիրել այն փաստի վրա, որ Ռուսաստանի նախագահ Վլադիմիր Պուտինը այսօր հայտարարել է ժամանակավոր հրադադարի մասին։

«Նախագահ Թրամփը հստակեցրել է, որ մշտական ​​​​հրադադար է ցանկանում։ Նախևառաջ՝ դադարեցնել սպանությունները, դադարեցնել արյունահեղությունը, և չնայած նա լավատեսորեն է տրամադրված համաձայնության հասնելու հարցում, նա նաև իրատես է», - նշել է Սպիտակ տան մամուլի քարտուղարը։

Ըստ նրա՝ Թրամփի և Զելենսկու հանդիպումը ցույց է տալիս, որ նա մեծ ջանքեր և ժամանակ է ներդնում հրադադարի համար։ Քանի որ Թրամփը ցանկանում է լինել խաղաղության նախագահը, ինչպես որ եղել է իր առաջին ժամկետում։