ՌԴ ԱԳՆ-ի կոչը` Հնդկաստանին և Պակիստանին
Ռուսաստանի արտաքին գործերի փոխնախարար Անդրեյ Ռուդենկոն և Ռուսաստանում Պակիստանի դեսպան Մուհամմադ Խալիդ Ջամալին քննարկել են Հնդկաստանի և Պակիստանի միջև լարվածության սրումը:
Մոսկվան կոչ է արել կողմերին լուծել իրենց տարաձայնությունները խաղաղ ճանապարհով, երկուշաբթի օրը հայտնել է Ռուսաստանի արտաքին գործերի նախարարությունը։
«Հանդիպման ընթացքում կողմերը քննարկել են ռուս-պակիստանյան համագործակցության տարբեր ասպեկտներ, ինչպես նաև Իսլամաբադի և Նյու Դելիի միջև լարվածության սրումը՝ կապված ապրիլի 22-ին Քաշմիրում տեղի ունեցած ահաբեկչական հարձակման հետ։
Ռուսական կողմը կոչ է արել երկու կողմերին զսպվածություն ցուցաբերել և կառուցողական երկխոսություն սկսել՝ ուղղված տարաձայնությունների խաղաղ կարգավորմանը»,- ասվում է հայտարարության մեջ։
