Պեսկովը մեկնաբանել է Ուիթքոֆի այցը

ԱՄՆ նախագահի հատուկ բանագնաց Սթիվ Ուիթքոֆը ԱՄՆ առաջնորդ Դոնալդ Թրամփի ուղերձները հասցնում է Ռուսաստանի նախագահ Վլադիմիր Պուտինին և հակառակը: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Դա մաքոքային դիվանագիտություն է, այո՛, սրանք միջնորդական ծառայություններ են, որոնք մատուցվում են Միացյալ Նահանգների կողմից: Իհարկե, նա հատուկ դեսպանորդ է», – նշել է Պեսկովը՝ Պուտինի և Թրամփի միջև Ուիթքոֆի միջոցով հաղորդագրությունների փոխանցման վերաբերյալ տված մեկնաբանության մեջ։

Նա բացատրել է, որ այս ձևաչափն օգտագործվում է, քանի որ անձնական զրույցի ժամանակ «միշտ ավելի հեշտ է ներկայացնել բոլոր նրբությունները»։

«Ուիթքոֆի հետ շփումը շատ ժամանակ է պահանջում, մի քանի ժամ։ Սա լավ հնարավորություն է մեր դիրքորոշումը ամերիկյան կողմին փոխանցելու համար», – հավելել է Կրեմլի ներկայացուցիչը։