Մենք պատրաստ ենք հասնել դրան. Լավրով
Մոսկվան պատրաստ է Ուկրաինայի իրավիճակի կարգավորմանն ուղղված համաձայնության, սակայն կան որոշ տարրեր, որոնք դեռևս պետք է վերջնականացվեն: Այս մասին CBS News-ին տված հարցազրույցում հայտարարել է ՌԴ ԱԳՆ նախարար Սերգեյ Լավրովը:
«ԱՄՆ նախագահը հավատում է, և ես կարծում եմ՝ արդարացի է դա։ Մենք ճիշտ ուղղությամբ ենք շարժվում: Նախագահի հայտարարությունը նշում էր համաձայնության մասին, և մենք պատրաստ ենք հասնել դրան: Բայց կան որոշ կետեր և տարրեր, որոնք պետք է կարգավորել: Մենք հենց այդ գործընթացով ենք զբաղված»,- ասել է Լավրովը:
Հերքելով Ուկրաինայում քաղաքացիական օբյեկտների վրա հարձակումների մեղադրանքները՝ Լավրովը եզրափակել է.
«Մենք թիրախավորում ենք միայն ռազմական օբյեկտները կամ այն քաղաքացիական օբյեկտները, որոնք օգտագործվում են ռազմական նպատակներով: Եթե թիրախները օգտագործվել են ուկրաինական զինված ուժերի կողմից, պաշտպանության նախարարությունը և տեղում հրամանատարությունը իրավունք ունեն հարվածելու»:
