Թրամփը պատրաստ է ճանաչել ՌԴ վերահսկողությունը Ղրիմի նկատմամբ. CNN
CNN-ը հայտնում է, որ Թրամփի վարչակազմը պատրաստակամություն է հայտնել ճանաչելու Ռուսաստանի վերահսկողությունը Ղրիմի նկատմամբ՝ որպես ԱՄՆ-ի առաջարկի մաս Ուկրաինայի հետ պատերազմը դադարեցնելու նպատակով։
Կիևից այս հարցի վերաբերյալ անմիջական մեկնաբանություն առայժմ չի ստացվել։
CNN-ի աղբյուրի փոխանցմամբ՝ առաջարկը ներառում է նաև հաշտության գծով հրադադարի հաստատում։ Ծրագիրը քննարկվել է հինգշաբթի՝ Փարիզում, եվրոպացիների և ուկրաինացիների հետ, ինչպես նաև ներկայացվել է Ռուսաստանի Դաշնությանը՝ ԱՄՆ պետքարտուղար Մարկո Ռուբիոյի և Ռուսաստանի արտաքին գործերի նախարար Սերգեյ Լավրովի հեռախոսազրույցի ընթացքում։
Նույն աղբյուրի համաձայն՝ ծրագրի որոշ մանրամասներ դեռ պետք է հստակեցվեն, և ԱՄՆ-ը նախատեսում է հաջորդ շաբաթ Լոնդոնում շարունակել աշխատանքը եվրոպացիների և ուկրաինացիների հետ։
