Նրանք միշտ ցանկացել են ԱՄՆ-ի կործանումը. Զելենսկի
Հարգանքով եմ վերաբերվում այն փաստին, որ Թրամփը խաղաղություն է փնտրում։ Բայց ասել, որ Ուկրաինան է սկսել այս պատերազմը, սխալ է։ Այս մասին հայտարարել Ուկրաինայի նախագահ Վլադիմիր Զելենսկին:
Զելենսկին նշել է նաև, որ ռուսները ցանկանում են և միշտ ցանկացել են ԱՄՆ-ի կործանումը։
«Մենք ծնվել ենք Խորհրդային Միությունում, այս ամենը սովորել ենք դպրոցներում։ Սա Խորհրդային Միության քաղաքականությունն է։ Մենք պայքարում ենք ձեր իրավունքների համար այնպես, ինչպես պայքարում ենք մեր իրավունքների համար»,- նշել է նա։
Ուկրաինայի նախագահը հույս է հայտնել, որ ավելի արդյունավետ հանդիպումներ կունենա Դոնալդ Թրամփի հետ և հայտարարել, որ Ուկրաինան ԱՄՆ-ից ստացել է մոտ 105 մլրդ դոլարի զենք և անվտանգության այլ օգնություն։
