Կսկսենք մեզ բոլորովին այլ կերպ պահել. Թրամփը նախազգուշացրել է
Ռուս-ուկրաինական հակամարտության կարգավորման հարցում ես ունեմ իմ սեփական վերջնաժամկետը: Այս մասին հայտարարել է ԱՄՆ նախագահ Դոնալդ Թրամփը։
Նա նախազգուշացրել է, որ եթե խնդիրը չհաջողվի լուծել այն ժամկետում, որը որոշել է, «մենք կսկսենք մեզ բոլորովին այլ կերպ պահել»:
«Մենք կարծում ենք, որ և՛ Զելենսկին, և՛ Պուտինը խաղաղություն են ուզում, բայց նրանք պետք է նստեն բանակցությունների սեղանի շուրջ։ Այս պատերազմում շատ մարդիկ են զոհվում, և դա պետք է դադարեցնել։
Ինձ դուր չի գալիս, որ այն այդքան երկար է տևում: Շատ ատելություն կա, շատ արյուն, շատ անվստահություն, բայց ես կարծում եմ, որ մենք կհաղթահարենք դա՝ մարդկանց փրկելու համար»,- եզրափակել է Թրամփը:
