Պեսկովն ասել է՝ ՌԴ-ն ինչպես է մտադիր հասնել իր նպատակներին

Ռուսաստանը մտադիր է իր նպատակներին հասնել խաղաղ կամ ռազմական ճանապարհով։ Այս մասին ասել է ՌԴ նախագահի մամուլի քարտուղար Դմիտրի Պեսկովը, ֆրանսիական Le Point ամսագրին տված հարցազրույցում:

«Մենք ցանկանում ենք հասնել մեր նպատակներին։ Մենք կհասնենք դրանց՝ լինի խաղաղ, թե ռազմական ճանապարհով», – ասել է նա ամսագրի թղթակից Էն Նիվայի հետ զրույցում։

Նրա խոսքով, «բոլոր ռազմական վերլուծաբանները նշում են, որ ճակատում դինամիկան զարգացել է հօգուտ Ռուսաստանի»։

«Ռազմի դաշտում նախաձեռնությունը պատկանում է Ռուսաստանին»,- ընդգծել է Պեսկովը և հավելել է, որ կան մի շարք պայմաններ ամբողջական հրադադարի համար, ինչպես առաջարկել է ԱՄՆ նախագահ Դոնալդ Թրամփը։