Գլուխներդ պատով եք տալիս բոլորդ. Սիմոնյանն՝ ընդդիմադիրներին
ԱԺ նախագահ Ալեն Սիմոնյանը հակադարձել է «Հայաստան» խմբակցության պատգամավոր Գեղամ Մանուկյանին:
Մանուկյանը այսօր ՔՊ-ական պատգամավոր Վահագն Ալեքսանյանին ասել էր՝ «գլուխդ պատով տվեցիր»։
«Պարո՛ն Մանուկյան, գլուխդ պատով տվել ես դու, լսի՛, եթե ձեր ամեն սուտ խոսելու ժամանակ ասեի գլուխդ պատով տված նախադասություն, գլուխ չէր մնա, դուք իրավիճակը լարելու չեմպիոն եք»,- ասել է Սիմոնյանը։
Գեղամ Մանուկյանը տեղից խոսեց, Ալեն Սիմոնյանն էլ ի պատասխան ասաց՝ «սպառնո՞ւմ եք ինձ»։
Ընդդիմադիր պատգամավորներից մեկն արձագանքեց՝ «հա», Ալեն Սիմոնյանն էլ պատասխանեց՝ «գլուխներդ պատով եք տալիս բոլորդ, ո՞վ կարա սպառնա»։
