Մակարոնի հետ կետչուպ էլ կտամ․ Գաբրիելյան

Պատրաստ եմ մակարոնի հետ կետչուպ էլ տամ։ Այս մասին Ազգային ժողովում հայտարարել է «Քաղաքացիական կուսակցություն» խմբակցության պատգամավոր Սիսակ Գաբրիելյանը։

«Խոսում եք մակարոնի գնից, որ թանկացել է 20%-ով, ասում եք՝ 5 տարի առաջ այլ գին էր։ 5 տարի առաջ որպես պատգամավոր ստանում էիք 400 հազար դրամ, էսօր, Նիկոլ Փաշինյանի շնորհիվ, 850 հազար եք ստանում»,- ասել է Գաբրիելյանը։

Պատգամավորը դիմելով ընդդիմադիրներին՝ Ազգային ժողովի ամբիոնից հավելել է։

 «450 հազար դրամ ավել աշխատավարձ եք ստանում։ «Հայաստան» խմբակցության ցանկացած պատգամավոր, ով ինձ կտա այդ ավելացված 450 հազար դրամը, երաշխավորում եմ, որ իր ընտանիքին կապահովեմ մակարոնով, ինչքան պետք ա տամ, պետք ա հետը կետչուպ էլ տամ»,- նշել է նա։

Մանրամասները՝ տեսանյութում