Կցանկանայինք անել ամեն ինչ, որ այդ երկիրը մնա ինքնիշխան, անկախ․Պուտին

Ռուսաստանը մտադիր է աջակցել Սիրիայի տարածքային ամբողջականության ու անկախության պահպանմանը և պատրաստ է մարդասիրական օգնություն ցուցաբերել երկրի բնակչությանը: Այս մասին հայտարարել է ՌԴ նախագահ Վլադիմիր Պուտինը։

«Մենք կցանկանայինք անել ամեն ինչ, որպեսզի Սիրիան, առաջին հերթին, մնա ինքնիշխան, անկախ և տարածքային ամբողջականությամբ պետություն: Կցանկանայինք Ձեզ հետ քննարկել Սիրիայի ժողովրդին օգնություն տրամադրելու հնարավորությունը, ներառյալ մարդասիրական օգնությունը», - ասել է նա Կատարի էմիր Թամիմ Ալ Թանիի հետ բանակցությունների ժամանակ։

Պուտինը նաև հավելել է․ «Այնտեղ շատ խնդիրներ կան՝ քաղաքական, անվտանգության ապահովման տեսանկյունից, և զուտ տնտեսական բնույթի»։