Հայտնի է դարձել Իրանի առաջնորդի՝ Պուտինին ուղղված ուղերձի բովանդակությունը

Իրանի գերագույն առաջնորդ Ալի Խամենեիի ուղերձը ՌԴ նախագահ Վլադիմիր Պուտինին նվիրված է աշխարհում տեղի ունեցող վերջին իրադարձություններին, ինչպես նաև Մոսկվայի և Թեհրանի հարաբերությունների զարգացմանը։ Այս մասին Ռուսաստան ժամանելուց հետո լրագրողներին հայտնել է Իրանի արտաքին գործերի նախարար Աբբաս Արաղչին։

«Այս ուղերձն անդրադառնում է աշխարհում տեղի ունեցող վերջին կարևոր իրադարձություններին, տարածաշրջանում տեղի ունեցող իրադարձություններին, ինչպես նաև երկկողմ հարաբերություններին առնչվող հարցերին»,- նշել է նա։ 

Հիշեցնենք՝ Իրանի արտաքին գործերի նախարար Աբբաս Արաղչին ժամանել է Մոսկվա, որտեղ նախատեսված են նրա բանակցությունները ռուսաստանցի պաշտոնակից Սերգեյ Լավրովի հետ։