Ճնշումներից երկինքը քիչ է մնում գլխիս ընկնի․ Վուչիչ
Սերբիայի նախագահ Ալեքսանդր Վուչիչը հաստատել է մայիսի 9-ին Մոսկվա այցելելու իր մտադրությունը՝ չնայած Ռուսաստանի հետ գազի գործարքի շուրջ առաջիկա բանակցությունների և համագործակցության վերաբերյալ ճնշումներին։ Այս մասին նա հայտարարել է ժողովուրդին ուղղված ուղերձում՝ ընդգծելով Սերբիայի պատմական դերը ֆաշիզմի դեմ պայքարում, փոխանցում է ՏԱՍՍ-ը։
Վուչիչը նշել է, որ իր որոշումը պայմանավորված է ռուս գործընկերների հետ հետագա գազային համագործակցության պայմանները քննարկելու անհրաժեշտությամբ, NIS ընկերության (Սերբիայի նավթային արդյունաբերություն) ճակատագրի և այլ ռազմավարական հարցերով։
«Ճնշումներից երկինքը քիչ է մնում գլխիս ընկնի, բայց ես չեմ հրաժարվում այցից: Սերբիան հպարտանում է ֆաշիզմի դեմ պայքարում իր ավանդով, ի տարբերություն պատմությունը վերաշարադրողների: Սա է հիմնական պատճառը, որ ես ընդունեցի հրավերը», - ասել է նա:
