Մի բանի շեմին, որը շատ կարևոր կլինի աշխարհի համար․ Ուիթքոֆ

Ուկրաինայում հակամարտության կարգավորման բանակցությունները «կարևոր բանի շեմին են»։ Այս մասին Fox News-ին տված հարցազրույցում ասել է ԱՄՆ նախագահի հատուկ բանագնաց Սթիվ Ուիթքոֆը։

«Կարծում եմ, որ մենք կարող ենք հայտնվել մի բանի շեմին, որը շատ կարևոր կլինի աշխարհի համար գլոբալ առումով»,- ասել է նա։

Նրա խոսքով, քննարկումները դուրս են գալիս տարածքային հարցից: Խաղաղության համաձայնագրի շրջանակներում խոսվում է անվտանգության երաշխիքների, ինչպես նաև Ուկրաինային ՆԱՏՕ-ին անդամակցելու ծրագրերից հրաժարվելու մասին։

Ապրիլի 11-ին Սանկտ Պետերբուրգում կայացել է ՌԴ նախագահ Վլադիմիր Պուտինի և ԱՄՆ նախագահի հատուկ բանագնաց Ուիթքոֆի հանդիպումը։