Շուտով դուք կունենաք շատ լավ առաջարկներ․ Թրամփ
ԱՄՆ նախագահ Դոնալդ Թրամփը Սպիտակ տանը լրագրողներին ասել է, որ ակնկալում է «շատ լավ առաջարկներ» մոտ ապագայում Ուկրաինայի հակամարտությունը լուծելու համար։ Համապատասխան հայտարարությունն ամերիկացի առաջնորդն արել է Սալվադորի նախագահ Նայիբ Բուկելեի հետ հանդիպման ժամանակ, փոխանցում է ՏԱՍՍ-ը։
«Ես հավատում եմ, որ շատ շուտով դուք կունենաք շատ լավ առաջարկներ»,- ասել է նա։
Հիշեցնենք՝ ապրիլի 11-ին Սանկտ Պետերբուրգում կայացել է ՌԴ նախագահ Վլադիմիր Պուտինի և ԱՄՆ նախագահի հատուկ բանագնաց Վիտկովի հանդիպումը։ Բանակցությունները փակ էին. լրագրողներին ներս են թողել միայն ողջույնի ձեռքսեղմման համար: Մինչ Ռուսաստանի ղեկավարի հետ հանդիպումը, Վիտկովը հանդիպել է Ռուսաստանի ուղղակի ներդրումների հիմնադրամի (RDIF) ղեկավար Կիրիլ Դմիտրիևի հետ։ Ռուսական ուղղակի ներդրումների հիմնադրամի ղեկավարը ԱՄՆ նախագահի հատուկ ներկայացուցչի հետ բանակցություններն արդյունավետ է անվանել։
