Բացառվում է այդ ձևաչափը․ Իրանի ԱԳՆ
Իրանի արտգործնախարարության խոսնակ Էսմայիլ Բաղային բացառել է ԱՄՆ-ի հետ բանակցությունների ձևաչափի փոփոխության հնարավորությունը, հանդիպումները կշարունակվեն միայն միջնորդների միջոցով, գրում է «ՏԱՍՍ»-ը։
«Ուղիղ բանակցություններն անօգուտ և անարդյունավետ են այն իրավիճակում, երբ կողմերից մեկը շարունակում է դիմել սպառնալիքների, ուստի մենք կշարունակենք օգտագործել նույն ձևաչափը, որն ընտրվել էր ավելի վաղ»,- ասել է նա։
Հավելենք՝ ապրիլի 12-ին Օմանում բանակցություններ են տեղի ունեցել Թեհրանի և Վաշինգտոնի ներկայացուցիչների միջև՝ իրանական միջուկային ծրագրի շուրջ ստեղծված իրավիճակի կարգավորման համար։
