Միրզոյանը և Ֆիդանը կքննարկեն Անիի կամրջի վերականգնման հարցը
Անթալիայի դիվանագիտական ֆորումի շրջանակում սպասվում է Հայաստանի և Թուրքիայի արտգործնախարարներ Արարատ Միրզոյանի ու Հաքան Ֆիդանի հանդիպումը: Այս մասին հայտնել է հայ-թուրքական կարգավորման հարցով հատուկ բանագնաց Սերդար Քըլըչը:
«Հայաստանն ու Թուրքիան քննարկում են Անիի կամրջի վերականգնման հարցը:
Վերջերս շփումներ ունեցանք Ռուբեն Ռուբինյանի (Թուրքիայի հետ հարաբերությունների կարգավորման գծով Հայաստանի հատուկ բանագնաց-խմբ.) հետ, սակայն հաջորդ հանդիպման հստակ ժամկետը դեռ համաձայնեցված չէ», - ասել է Քըլըչը։
