Որն է Թուրքիայի դերը Ռուսաստանի և ԱՄՆ-ի բանակցություններում
Անկարայի ղեկավարությունը չի միջամտում Թուրքիայում ՌԴ-ի և ԱՄՆ-ի բանակցային գործընթացին, միաժամանակ հույս ունի, որ դրանք արդյունքների կհանգեցնեն: Այս մասին «ՌԻԱ Նովոստի»-ին հայտնել են Թուրքիայի նախագահի աշխատակազմից՝ ի պատասխան հինգշաբթի օրը Ստամբուլում երկու երկրների պատվիրակությունների բանակցությունները մեկնաբանելու խնդրանքին:
Նշենք, որ Ստամբուլում մեկնարկել են ռուս-ամերիկյան խորհրդակցությունները:
Ռուսաստանի և ԱՄՆ-ի միջև բանակցություններն ընթանում են ՌԴ գլխավոր հյուպատոսության շենքում։ Հանդիպումը անցկացվում է փակ ձևաչափով, ինչպես առաջին փուլը, և կշարունակվի մի քանի ժամ։
Քննարկվելու են դեսպանատների աշխատանքի նորմալացումը, ինչպես նաև առգրավված դիվանագիտական ունեցվածքի վերադարձը և ուղիղ օդային հաղորդակցության վերականգնման հարցը։
