Դա կդիտարկի որպես սպառնալիք և կհանգեցնի հակամարտության. Զախարովա
Ուկրաինայում օտարերկրյա պետությունների զորամիավորումների առկայությունը Մոսկվան կդիտարկի որպես սպառնալիք և անխուսափելիորեն կհանգեցնի հակամարտության։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ուկրաինայում ցանկացած օտարերկրյա ռազմական ներկայություն՝ անկախ դրոշից, ցուցանակներից, հայտարարագրվող մանդատներից, Ռուսաստանի Դաշնության կողմից կդիտարկվի որպես սպառնալիք մեր երկրի անվտանգության համար», - ասել է նա մամուլի ասուլիսի ժամանակ:
Զախարովան ընդգծել է, որ խոսքը ինչպես ՆԱՏՕ-ի առանձին անդամների, այնպես էլ ամբողջ դաշինքի առաքելությունների մասին է:
Նա հիշեցրել է, որ Վլադիմիր Զելենսկու ռեժիմը վաղուց է խնդրել իր արևմտյան գործընկերներին զորքեր ուղարկել հակամարտության գոտի, և ընդգծել է, որ գործնականում դա կնշանակի «համապատասխան երկրների մուտքը հակամարտությանը Կիևի ռեժիմի կողմից»։
