Փարիզի պատվավոր քաղաքացու կոչում՝ Ստամբուլի ձերբակալված քաղաքապետին
Ստամբուլի քաղաքապետ Էքրեմ Իմամօղլուն ով ձերբակալված է, և որի լիազորությունները իբրև քաղաքապետ կասեցվել են, դարձել է Փարիզի պատվավոր քաղաքացի։ Այս մասին գրել է Figaro թերթը։
«Էքրեմ Իմամօղլուն այսօր անարդարացիորեն զրկված է իր կուսակցությունը և միլիոնավոր թուրքերի ձայները ներկայացնելու հնարավորությունից։ Նա պետք է զգա Փարիզի լիակատար աջակցությունը», - ասել է Փարիզի քաղաքապետ Անն Իդալգոն։
Ըստ Իդալգոյի՝ նման աջակցությունը կարող է թույլ տալ Թուրքիայի ներկայիս կառավարությանը լսել ժողովրդավարական բանականության ձայները:
Այս որոշումը միաձայն ընդունվել է Փարիզի քաղաքային խորհրդի նիստում։
