ՌԴ-ն մշտական խորհրդակցությունների մեջ է Իրանի հետ. Պեսկով
Ռուսաստանը մշտական խորհրդակցությունների մեջ է Իրանի հետ: Այս մասին ճեպազրույցում ասել է ՌԴ նախագահի մամուլի քարտուղար Դմիտրի Պեսկովը:
Նրա խոսքով՝ ՌԴ-ն պատրաստ է անել այն ամենը, ինչ անհրաժեշտ է իրանական միջուկային խնդրի քաղաքական և դիվանագիտական լուծման համար։
«Մենք մշտական խորհրդակցությունների մեջ ենք մեր իրանցի գործընկերների հետ, այդ թվում՝ միջուկային գործարքի թեմայի շուրջ։ Մենք մշտապես կապեր ենք պահպանում և խորհրդակցություններ ենք անցկացնում այդ հարցի շուրջ։ Այդ գործընթացը կշարունակվի, այդ թվում՝ մոտ ապագայում։ Ռուսաստանը պատրաստ է գործադրել բոլոր ջանքերը, անել հնարավոր ամեն ինչ, որպեսզի օգնի լուծել այս խնդիրը քաղաքական և դիվանագիտական միջոցներով»,–ասել է Պեսկովը։
