Պուտինը շնորհավորել է Ալեքսանդր Օվեչկինին
ՌԴ նախագահ Վլադիմիր Պուտինը շնորհավորել է «Վաշինգտոն»-ի հարձակվող Ալեքսանդր Օվեչկինին Հոկեյի ազգային լիգայի կանոնավոր առաջնություններում խփած տափօղակների քանակով պատմական ռեկորդ սահմանելու կապակցությամբ: Այս մասին հայտնել է matchtv.ru-ն:
«Անկասկած, Ձեր ներկայիս ձեռքբերումը դարձել է ոչ միայն անձնական հաջողություն, այլև իսկական տոն երկրպագուների համար Ռուսաստանում և նրա սահմաններից դուրս»,- ասել է նա:
Նշեն՝ հոկեյիստ Ալեքսանդր Օվեչկինը դարձել է Հոկեյի ազգային լիգայի կանոնավոր առաջնության պատմության լավագույն ռմբարկուն՝ գերազանցելով Ուեյն Գրեցկու լեգենդար ռեկորդը:
39-ամյա մարզիկը 895-րդ անգամ տափօղակն ուղարկել է մրցակցի դարպասը, մինչդեռ Ուեյն Գրեցկուն դա հաջողվել էր 894 անգամ:
