Որքան կտևի ՀՀ-ի և ԵՄ-ի միջև վիզային ռեժիմի ազատականացումը
Հայաստանի և ԵՄ-ի միջև վիզային ռեժիմի ազատականացումը կարող է 5 տարի տևել: Այս մասին լրագրողների հետ զրույցում հայտնել է ՆԳՆ միգրացիայի և քաղաքացիության ծառայության ղեկավար Նելլի Դավթյանը:
«Հայաստանի և ԵՄ-ի միջև վիզային ռեժիմի ազատականացումը կարող է 4-5 տարի տևել»,- ասել է նա:
Հունիսին Հայաստանին կներկայացվի գործողությունների ծրագիր, այնուհետև Երևանը պետք է կատարի իր առջև դրված խնդիրները և ամեն տարի հանդես գա զեկույցներով։
Բոլոր խնդիրները կատարելուց հետո կսկսվի վիզային ռեժիմի ազատականացման գործընթացը։
