Մոսկվան պատրաստ է նրան, ինչին պատրաստ է հայկական կողմը․ Շվիդկոյ

Ռուսաստանը բաց է Հայաստանի հետ համագործակցության համար։ Այս մասին, Երևանում, ճեպազրույցի ժամանակ, հայտարարել է  Ռուսաստանի նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը։

«Վաղը և մյուս օրը ես կհանդիպեմ տարբեր գերատեսչությունների ղեկավարների՝ արտգործնախարարության, մշակույթի նախարարության, կառավարության ներկայացուցիչների հետ․․․ մենք պատրաստ ենք այն ամենին, ինչին պատրաստ է հայկական կողմը: Սա, թերևս, մեր պատասխանն է․ ինչին պատրաստ է հայկական կողմը, մենք պատրաստ ենք դրան»,- նշել է Շվիդկոյը։

Նա ընդգծել է, որ խոսքը, մասնավորապես, կինոյի, թատրոնի, բեմարվեստի, գեղարվեստական կրթության ոլորտներում հարաբերությունները զարգացնելու պատրաստակամության մասին է։