Երբեմն պետք է դեղեր ընդունես, որ ինչ-որ բան շտկես. Թրամփ

Նոր մաքսատուրքերը դեղամիջոց են ամերիկյան տնտեսության համար, լրագրողներին ասել է ԱՄՆ նախագահ Դոնալդ Թրամփը՝ Air Force One ինքնաթիռում, գրում է РБК-ն` հղում տալով Սպիտակ տան մամուլի ծատայությանը։

Նախագահը հիմարություն է անվանել այն հարցը, թե ինչպիսին է նա տեսնում ֆոնդային շուկաների անկման սահմանը տուրքերի մասին նորությունների ֆոնին. «Ես չեմ ուզում, որ ինչ-որ բան ընկնի: Բայց երբեմն պետք է դեղեր ընդունես, որպեսզի ինչ-որ բան շտկես»:

Թրամփը խոսել է Եվրոպայի, Ասիայի և աշխարհի այլ մասերի այն երկրների ներկայացուցիչների հետ զրույցների մասին, որոնք «համառորեն ցանկանում են համաձայնագիր կնքել»:

Նրա խոսքով` ինքը շփվել է խոշոր տեխնոլոգիական գործարարների հետ, ովքեր վստահեցրել են իրենց աջակցության հարցում։ Միևնույն ժամանակ Թրամփը հրաժարվել է նրանց անունները տալ։ 

Երբ հարցրել են ԵՄ-ի հետ հնարավոր տուրքերի չեղարկման մասին, նախագահը ասել է, որ եվրոպական երկրները «մեզ վրա կարողություն են վաստակել», և համաձայնագիր չի լինի, մինչև նրանք «մեզ չեն վճարի շատ գումարներ ամեն տարի»: