Մեծ Բրիտանիան հայտնաբերել է ռուսական սենսորներ, որոնք լրտեսել են ատոմային սուզանավերը
Ռուսական սենսորային տվիչները, որոնք ենթադրաբար տվյալներ են հավաքել Vanguard ատոմային սուզանավերի տեղաշարժի մասին, հայտնաբերվել են Մեծ Բրիտանիայի ափերի մոտ: Այս մասին գրում է Sunday Times թերթը։
Մի քանի սենսորներ հայտնաբերել են, երբ դրանք արդեն ափ են նետվել, մեծ մասը գտել են ականազերծողների օգնությամբ։ Այդ գտածոները Լոնդոնում ազգային անվտանգության համար պոտենցիալ սպառնալիք են համարել։
Ենթադրվում է, որ սարքերը նախատեսված են եղել միջուկային հրթիռներով հագեցած «Vanguard» սուզանավերի լրտեսության համար: Մեծ Բրիտանիան ունի դրանցից 4-ը։
Դեռ նախքան Ռուսաստանի Ուկրաինա լայնամասշտաբ ներխուժումը, բրիտանական հատուկ ծառայություններին հայտնի է դարձել, որ ստորջրյա հետախուզության համար, Մոսկվան կարող էր օգտագործել նաև ռուս միլիարդատերերին պատկանող զբոսանավերը:
Որոշ զբոսանավերի դիզայնը թույլ է տալիս գաղտնի տեղադրել և արդյունահանել խորը ծովային հետախուզական և սուզման սարքավորումներ:
