Եմենից հարվածել են ԱՄՆ-ին պատկանող նավին
Եմենի հյուսիսում իշխող «Անսար Ալլա» շիական շարժումը գրոհել է Կարմիր ծովի հյուսիսային մասում գտնվող ռազմական նավերի վրա, ներառյալ ամերիկյան Harry Truman ավիակրի ապահովման նավի վրա, հայտարարել է հուսիների ռազմական ներկայացուցիչ Յահյա Սարիան:
«Մի քանի ժամ շարունակ հրթիռային զորքերը, ռազմաօդային ուժերը, ինչպես նաև անօդաչու համակարգերի ուժերը ծովային ուժերի հետ միասին մասնակցել են բախումներին», - ասվում է հայտարարության մեջ։
Հիշեցնենք, որ Հուսիները վերսկսել են հարձակումները Իսրայելի տարածքի վրա, որոնք դադարեցվել էին հունվարին պաղեստինյան Գազայի հատվածում հրադադարի մեկնարկից հետո:
