Չինաստանն ԱՄՆ-ին կոչ է արել չեղարկել միակողմանի մաքսատուրքերը
Չինաստանն ԱՄՆ-ին կոչ է արել չեղարկել միակողմանի մաքսատուրքերը և լուծել վեճերը երկխոսության միջոցով։ Այա մասին ասել է Թուրքիայում Չինաստանի դեսպան Ցզյան Սյուեբինը։
Վերջինս նշել է, որ առևտրային պատերազմներում հաղթողներ չեն լինի:
«Չինաստանը վճռականորեն դեմ է դրան և կձեռնարկի հակաքայլեր՝ պաշտպանելու իր իրավունքները և շահերը: Սակագնային և առևտրային պատերազմները հակասում են պատմական միտումներին և տնտեսական կանոններին, և հաղթողներ չեն լինի: Ճնշումը, հարկադրանքը կամ սպառնալիքները Չինաստանի հետ հարաբերություններ կառուցելու ճիշտ ճանապարհը չեն»,- ասել է դիվանագետը։
