ԱՄՆ-ն կարող է բանակից հեռացնել մինչև 90 հազար մարդու. Military
ԱՄՆ ռազմական ղեկավարությունը գաղտնի դիտարկում է բանակի զանգվածային կրճատման հնարավորությունը, այդ թվում՝ աճող ծախսերի պատճառով, հայտնում է Military.com պորտալը՝ վկայակոչելով ամերիկացի պաշտոնյաների։
Այժմ ամերիկյան զինված ուժերի թիվը, ինչպես նշված է հոդվածում, կազմում է 450 հազար մարդ։ Պորտալի աղբյուրները պնդում են, որ ԱՄՆ պաշտպանության նախարարության կողմից դիտարկվող սցենարների թվում է գործող զինվորականների թվի կրճատումը 360-420 հազարի չափով։
«Պոտենցիալ կրճատումները կլինեն ամենակարևորներից մեկը վերջին տարիներին, քանի որ ռազմական ստրատեգները ձգտում են բանակը ... վերածել ավելի ճկուն հատուկ նշանակության ուժերի, որը նրանք հույս ունեն, որ ավելի հարմար կլինի ապագա հակամարտությունների համար», - գրում է պորտալը:
Միաժամանակ, ինչպես պարզաբանում է պորտալը, պարզ չէ՝ հնարավոր կրճատումը կազդի միայն բանակի՞ ռեզերվի վրա, թե՞ նաև Ազգային գվարդիայի։
Ավելի վաղ պաշտպանության նախարար Փիթ Հեգսեթը Պենտագոնին հանձնարարել էր բյուջեն 8%-ով կրճատելու ծրագրեր մշակել։
