Ուկրաինան թիրախային որս է կազմակերպում․ Զախարովա

Ուկրաինայի Զինված ուժերի կողմից Ռուսաստանի խաղաղ բնակչության վրա շարունակվող հարձակումները վկայում են այն մասին, որ հրադադարը չի մտնում Կիևի ռեժիմի պլանների մեջ: Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովա, գրում է «ՏԱՍՍ»-ը։

«Արդեն պարզ է, որ ժամանակակից բանդերականներն ամեն օր թիրախային որս են կազմակերպում՝ ԱԹՍ-ներ օգտագործելով անմեղ և անպաշտպան մարդկանց վրա։ Պայթուցիկներով լցված դրոնները սառնասրտորեն ուղղվում են ցանկացած մարդու վրա, որը հայտնվել է գազազած նեոնացիստների տեսադաշտում», - նշել է դիվանագետը ։

Նրա խոսքով՝ Ուկրաինայի նախագահի ավազակները անխնա կրակ են բացում կանանց, ծերերի և երեխաների վրա, փորձում են հարվածներ հասցնել բնակելի տներին, խանութներին, դպրոցներին, հիվանդանոցներին, սոցիալական և տրանսպորտային ենթակառուցվածքների օբյեկտներին։

«Այս բոլոր փաստերը խոսում են այն մասին, որ Կիևի պլանների մեջ չեն մտնում հրադադարը և հակամարտության քաղաքական կարգավորման հասնելը։ Զելենսկու ռեժիմը խաղաղության քաղաքական կամք չունի։ Նա տարված է արյունահեղությամբ, ահաբեկչությամբ ու քաղաքացիական բնակչությանը վնաս պատճառելով։ Բայց այդ ջանքերն ապարդյուն են։ Մեր ժողովուրդը չի դողա ու չի վախենա»,- նշել է Զախարովան