
ԱՄՆ-ն սպասում է Ռուսաստանի գործողություններին․ Ռուբիո

Առաջիկա շաբաթներին կիմանանք՝ արդյոք ՌԴ-ն պատրաստ է վերջ դնել պատերազմին։ Այս մասին, հայտարարել է ԱՄՆ պետքարտուղար Մարկո Ռուբիոն մամուլ ասուլիսի ժամանակ, գրում է RBC Ukraine-ն։
«Մենք այժմ լուծումներ ենք գտնում: Շուտով շաբաթների, ոչ թե ամիսների ընթացքում, կիմանանք՝ արդյոք Ռուսաստանը պատրաստ է խաղաղության: Եթե այո, ապա մենք կարող ենք վերջ տալ պատերազմին»,- հավելել է նա:
Ռուբիոյի խոսքով՝ Թրամփը ցանկանում է, որքան հնարավոր է շուտ ավարտել պատերազմը։ Միևնույն ժամանակ, դա հնարավոր է իրականացնել միայն երկու կողմերի համար ընդունելի պայմաններով։
«Եթե Ռուսաստանի կողմից նկատվի ձգձգելու մարտավարություն, դա մեզ չի հետաքրքրի, Թրամփը չի կարող անվերջ բանակցությունների մասնակցել: Մենք շուտով կիմանանք, արդյոք Ռուսաստանը պատրաստ է խաղաղությանը: Եթե այո, հիանալի, եթե ոչ, մենք պետք է վերագնահատենք մեր դիրքորոշումը և մեր անելիքները»,- ասել է Ռուբիոն:
Պետքարտուղարության ղեկավարի խոսքով՝ Ուկրաինան արդեն ցույց է տվել, որ պատրաստ է ինչպես հրադադարի, այնպես էլ բանակցությունների։ Հիմա ԱՄՆ-ն սպասում է Ռուսաստանի ոչ թե խոսքերին, այլ գործողություններին: