Թուրքիան վերսկսում է ԵՄ-ի հետ տնտեսական երկխոսությունը
Թուրքիան 6 տարվա ընդմիջումից հետո վերսկսում է Եվրամիության հետ բարձր մակարդակի տնտեսական երկխոսությունը։ Այս մասին գրել են տեղի ԶԼՄ-ները:
Ինչպես նշվում է, ապրիլի 3-ին Բրյուսելում կկայանա Թուրքիա-ԵՄ բարձր մակարդակի տնտեսական երկխոսության հանդիպումը:
Հանդիպմանը կմասնակցեն Թուրքիայի արտգործնախարար Հաքան Ֆիդանը, գանձապետարանի և ֆինանսների նախարար Մեհմեդ Շիմշեքը, Եվրոպական հանձնաժողովի գործադիր փոխնախագահ և առեւտրի հարցերով ԵՄ հանձնակատար և Եվրամիության ընդլայնման հարցերով հանձնակատար Մարտա Կոսը։
Հանդիպումը բաղկացած կլինի երկու մասից և բիզնես ոլորտի ներկայացուցիչները կքննարկեն ներդրումների և առևտրի հնարավորությունները։ Նախարարների մակարդակով կքննարկվեն մակրոտնտեսական իրավիճակը, մրցունակությունը և կառուցվածքային բարեփոխումները, որից հետո բիզնեսի ներկայացուցիչները կքննարկեն ներդրումների և առևտրի հնարավորությունները։
Նշենք, որ Թուրքիա-ԵՄ երկխոսության այս մեխանիզմի առաջին հանդիպումը կայացել է 2016 թվականին, իսկ վերջին հանդիպումը՝ 2019 թվականին։
