Միշտ ասել ենք, որ Ղարաբաղը ձեր տարածքն է. Գերմանիայի նախագահը՝ Ալիևին
Հուսով եմ՝ շուտով ականատես կլինենք Հայաստանի և Ադրբեջանի միջև խաղաղության պայմանագրի ստորագրմանը: Այս մասին Բաքվում Ադրբեջանի նախագահ Իլհամ Ալիևի հետ հանդիպումից հետո ասել է Գերմանիայի նախագահ Ֆրանկ Վալտեր Շտայնմայերը:
«Ղարաբաղն Ադրբեջանի տարածքն է, և դա պաշտոնական Բեռլինի ուղիղ ու հստակ դիրքորոշումն է: Մենք միշտ ասել ենք, որ դա ձեր տարածքն է»,- ասել է նա։
Հիշեցնենք՝ Գերմանիայի նախագահի աշխատակազմի ղեկավար Դյորտե Դինգերը ներողություն էր խնդրել Ադրբեջանից՝ նախագահ Ֆրանկ Վալտեր Շտայնմայերի պաշտոնական սոցցանցային էջում օկուպացված Արցախի Հանրապետության դրոշի լուսանկարի հրապարակման և արցախցիների թեմային անդրադարձի համար:
