Կկտրենք ցանկացած մեկի ոտքը, ով կներխուժի երկիր. Իրանի խորհրդարան

Իրանի Մեջլիսի ազգային անվտանգության և արտաքին քաղաքականության կոմիտեի նախագահ Էբրահիմ Ազիզին, ի պատասխան ԱՄՆ սպառնալիքների, խոստացել է, որ իրանցիները կկտրեն ցանկացած մեկի ոտքը, ով կներխուժի իսլամական հանրապետության տարածք։


«Եթե որևէ ագրեսորի ոտքը մտնի իսլամական Իրանի սրբազան հող, մենք կկտրենք այդ ոտքը։ Իսլամական հեղափոխության ուսմունքի համաձայն՝ մենք ոչ մի պատերազմի նախաձեռնող չենք եղել, բայց մենք սովորել ենք վճռական եւ կոշտ դիմակայել ագրեսորներին»,- ասել է նա:


Իրանցի խորհրդարանականի խոսքով՝ ցանկացած պետություն, որը կհամագործակցի ԱՄՆ-ի կամ Իսրայելի հետ, Իրանի կողմից կդիտարկվի որպես թիրախ մարտադաշտում։