Թրամփը հիասթափված է Պուտինից
Դոնալդ Թրամփը հիասթափված է ՌԴ նախագահ Վլադիմիր Պուտինից և նոր պատժամիջոցներ է պատրաստում Ռուսաստանի դեմ։ Այս մասին գրել է Fox News-ի` Սպիտակ տան ավագ թղթակից Ջեքի Հենրիխը:
Ըստ Հենրիխի` ԱՄՆ նախագահը կարծում է, որ Մոսկվան ձգձգում է հրադադարի շուրջ բանակցությունները, մինչդեռ Սպիտակ տունը քննարկում է պատժամիջոցների ճնշման խստացումը, ներառյալ ռուսական «ստվերային նավատորմի» վրա հարվածները։
«Թրամփը կարծում է, որ Պուտինը կանգ է առնում ժամանակ ձգելու համար»,- գրել է նա։
Ըստ Fox News-ի աղբյուրի` ռուսական նավթի անօրինական վաճառքի 70%-ն իրականացվում է «ստվերային նավատորմի» օգնությամբ, որի մեծ մասն արդեն պատժամիջոցների տակ է։
