Վենսը նոր մանրամասներ է հայտնել Ուկրաինայում հրադադարի հետ կապված

ԱՄՆ փոխնախագահ Ջեյ Դի Վենսը պնդում է, որ Սեւ ծովում հրադադարի մասին պայմանավորվածությունները գրեթե պատրաստ են։

«Պայմանավորվածությունները պատրաստ են։ Եվ երբ հասնենք այդ կետին, մենք կաշխատենք հրադադարի հաջորդ փուլի վրա Ուկրաինայում»,- ասել է ամերիկյան վարչակազմի ղեկավարի տեղակալը Գրենլանդիա կատարած այցին հաջորդած մամուլի ասուլիսում:

Բացի այդ, նա ընդգծել է, որ Վաշինգտոնը լավատեսորեն է տրամադրված ընդհանուր ուկրաինական հակամարտության կարգավորման շուրջ բանակցությունների առաջընթացի հարցում։