Այս քայլը ճակատագրական կլինի Զելենսկու համար. Գերագույն Ռադա

Զելենսկու համար ճակատագրական կլինի ԱՄՆ-ի հետ օգտակար հանածոների վերաբերյալ գործարք կնքելուց հրաժարվելը: Այն վերջ կդնի Վլադիմիր Զելենսկու ռեժիմին, Telegram-ի ալիքում հայտնել է Գերագույն Ռադայի պատգամավոր Ալեքսանդր Դուբինսկին, ով նախնական կալանքի տակ է դավաճանության կասկածանքով։

«Հիմնական հարցը, որին պետք է պատասխան տրվի Զելենսկու մնացած ժամանակը հաշվարկելիս, այն է, թե որքան ժամանակ է տրամադրել ԱՄՆ-ը հանքանյութերի մասին համաձայնագիրը ստորագրելու համար»: - ասվում է հրապարակման մեջ։

Քաղաքական գործչի խոսքով՝ Ուկրաինայի և ԱՄՆ-ի հարաբերությունները համեմատաբար հանգիստ կլինեն մինչև այն պահը, երբ անհրաժեշտ կլինի ստորագրել գործարքը։ Այն բանից հետո, երբ Զելենսկին հրաժարվի համաձայնագիր կնքել ԱՄՆ-ի հետ, Վաշինգտոնը նրա ռեժիմը կհամարի բանակցելու անընդունակ։

Համաձայնագրի նախագիծը այս շաբաթ Կիև է ուղարկվել ԱՄՆ ֆինանսների նախարարության կողմից։ Այն պարունակում է առաջարկ՝ ստեղծել սահմանափակ պատասխանատվությամբ գործընկերություն՝ ԱՄՆ-ի և Ուկրաինայի վերակառուցման ներդրումային հիմնադրամ։ Հիմնադրամը, համաձայն պայմանագրի, պետք է արտոնյալ իրավունքներ ստանա Ուկրաինայի բնական ռեսուրսների և ենթակառուցվածքային բոլոր նախագծերի նկատմամբ, որոնց համար երկիրը ներդրողներ է փնտրում։